I was, waakin doun di road road
Di addah day
When a hear a lickle yout-man say
Him seh:
You noh si mi situation
Mi don't have noh accamadaeshan
Mi haffi sign aan at di station
At six in di evenin'
Mi seh mi life got no meanin'
Ah jus' livin' widout feelin'
Still, mi haffi mek a raze
Cah mi come af age
An' mi want fi goh rave
I was, walkin' down di road
Annadah day
Wen ah hear annadah yout-man say
Him seh:
Mi naw wok fi noh pittance
Mi naw draw dem assistance
Mi use to run a lickle rackit
But wha, di police dem di stap it
an' ah had was to hap it
Still, mi haffi mek a raze
Cah mi come af age
An' mi want fi goh rave
I was walkin' down di road
Yet annadah day
Wen ah hear annadah yout-man say
Him seh:
Mi haffi pick a packit
Tek a wallit fram a jackit
Mi haffi dhu it real crabit
An' if a lackit mi haffi pap it
An' if a safe mi haffi crack it
Ar chap it wid mi hatchit
But, mi haffi mek a raze
Cah mi come af age
An' mi want fi goh rave
- Linton Kwesi Johnson lyrics are copyright by their rightful owner(s) and Reggae-Lyrics.com in no way takes copyright or claims the lyrics belong to us.
-
- Reggae-Lyrics.com exists solely for the purpose of archiving all reggae songs, lyrics, artists, albums, riddims, instrumental version and makes no profit from this website.
