Me say no worry your mind, me nation
No worry your mind, me people
No worry your mind, hey me nation
No worry your mind, hey me people

Because during the year 1985 (2005)
Is a whole heap a things Mr. Banton realize
Like when you pocket dry people pass you by
But as you pocket full you have friends like flies
Getting too far that's when they start criticize
And spread a lot of rumours diluted with lies
But girls will be girls, boys will be boys
Me no mix with dem, cause me and dem a no size
Sometime me play fool, but me just a catch wise
'Cause me know say the fittest of the fits will survive
Physically fit so you can socialize
Mentally fit so you can realize
And know what is wrong from what is right
And from you spiritually fit you get eternal life

So no worry your mind, hey me nation
No worry your mind, hey me people
No worry your mind, hey, hey
No worry your mind

Now me nar go tell a man 'bout him past history
You should a learn that from you a pickney
You fi learn 'bout your roots if you no know already
'Cause me nar go give a man knowledge to easy
I wouldn't tell you follow Muslim or Christianity
Me wouldn't tell you fi knot and praise Selassie
All me woulda tell a man is fi think wisely
And to read you Holy Bible frequently
With an open heart you will see clearly
Our day to day life is just prophecy
Chariot without horse, iron bird in the sky
Famine inna Africa was long time prophesied
Children having children that a happen daily
Take a look in your good book and you will see
Nuff man know the truth but prefer fantasy
Stop praise Jah and turn freaky deaky
Start spending all dem money on LSD
Cocaine, heroin, opium or speed
Some of dem realize before it get to deep
While some gone a graveyard to catch some sleep
Sometime me feel to laugh but it just don't funny
'Cause' inna Babylon everything is money
Everyday a man a kill a man fi couple of penny
When dem see a what dem do, dem bawl fe dem mommy
You could bawl little more the damage done already
When it comes to murder the judge no have no mercy
And it makes it even worst if you is a darky
Ten times worst if you have a natty
Justice is a joke in this country
So the best thing to do is behave properly

A no worry your mind, me nation
No worry your mind, hey me people
No worry your mind, hey, hey, hey
No worry your mind

(..)

Well if life was a tape recorder I would press rewind
And replace my crooked days with a righteous line
To all the youths in the ghetto I leave this sign
If you can't do the time don't do the crime

And no worry your mind, me nation
No worry your mind, hey me people
No worry your mind, hey, hey, hey

No worry your mind, me nation
No worry your mind, me nation
No worry your mind, hey me people
No worry your mind, me nation
No worry your mind